Ikhansili yakoBulawayo ithi isivumela izelamani ukuthi zingcwatshwe godi-linye zingabhubha ngendlela yokuqeda udubo lokusilela kwamangcwaba kulelodolobho.
Lokhu kuvezwe ngumqondisi wezempilakahle uDokotela Edwin Sibanda embikweni omunyethwe lugwalo lwalelidolobho olusanda ukulotshwa olwama council minutes.
Udokotela Sibanda uthi abantu babevunyelwa ukungcwaba owesibili ngemva kweminyaka elitshumi engcwabeni linye kodwa khathesi sebengabekwa sikhathi sinye.
Kubikwa kulabanye abathetheneyo ababevele bekwenza lokhu.
Kuminyaka edluleyo, ikhansili yake yakhuthaza ukutshiswa kwezidumbu, i-cremation kodwa kubikwa balutshwane abakukhethayo lokhu.
Ukuhlaziya loludaba, sixoxe lengcwethi kwezamasiko lezokholo lwesiKhristu uMnu. Thandeko Zinti Mnkandla.
UMnu. Mnkandla uthi mhlawumbe inengi alisoze ligebhe ingcwaba ukuthi libeke omunye ngoba likholwa ukuthi abaphanda amagodi alele abantu ngabathakathi.
