Amapholisa Athi Othumbe Ilunga leCCC Kasilolunga leZanu PF, iCCC Ithi Umsolwa Ngumsekeli weZanu PF Oyaziwayo

WASHINGTON DC - Lanxa amapholisa esithi ukuthunjwa kwelunga leCitizens Coalition for Change (CCC) uNkosazana Moreblessing Ali akulani lezombusazwe, ibandla leli lithi yinto eyaziwayo ukuthi umsolwa uMnu Pius Jamba ungumsekeli weZanu PF.

UMoreblessing, yena olabantwana ababili njalo ongumholi wesigaba kuWard 21, eChitungwiza North, uselemalanga ayisikhombisa enyamalele kungaziwa ukuthi uyaphila yini lokuthi ungaphi.

Isikhulumeli samapholisa uMnu Paul Nyathi ukuvumile izolo ukuthi ngempela wathunjwa nguJamba mhlaka 24 kulinyanga endaweni yokuzilibazisa eChibhanguza Shopping Center, eBeatrice duzane leHarare.

Kodwa uthe uJamba akasilo lunga lebandla lezombusazwe. Wengeze wathi ababili laba ngabantu abake baphila bonke bethandana.

Ngakho, uNyathi uthe uJamba uthumbe uMoreblessing ethukuthele esithi wamalelani yena wasebenzisa imali yakhe enengi kuye emnakekela besangamathe lolimi.

Uqhubeke wathi amapholisa adinga loJamba. UNyathi ukulandule ukuthi umnewabo kaJamba, uMnu Simba Chisango, obikwa laye elilunga leZanu PF, ulokwenza laloludaba.

Kodwa umsekeli wesikhulumeli seCCC uMnu Gift Ostallos Siziba uthi amapholisa azama ukuvikela iZanu PF ngoba lolu kuludaba lwezombusazwe olusobala.

Embed share

Ingxoxo loMnu Gift Ostallos Siziba

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:07 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli seZanu PF uMnu Christopher Mutsvangwa yena utshele iStudio 7 izolo ukuthi ibandla lakhe alilani lokuthunjwa kukaMoreblessing.