Harare............
Zikhathi zonke abazali balendlela abakhangelelwa ukuyilandela ukuya lensane zabo kusukela zizalwa ukuba ziyohlatshwa amajekiseni okuvikela izifo ezitshiyeneyo ezinjenge ndingindi, ufuba lwewhooping cough, polio, smallpox leminye.
Ophethe imisebenzi kunhlanganiso yezakhamizi eye Combined Harare Residents Association, umnumzana Rueben Akili uthi baphakathi komkhankaso woufundisana lo zulu ukuthi aqakathekise inhlelo ze-immunisation njalo sebejabula ukubona iqutshwa ngokusuthisayo kuleli dolobho.
“Sibona Ukhansili ephithizela ebambene labezempilakahle behamba door to door benikeza imithi kubantwana kugoqela lokuthontiselwa ama vitamin A aqinisa umzimba ukuba bevikeleke kuzifo.”
Bakhuthaza abazali bonke ukuba labo bangayekethisi ukuya labantwana ezibhedlela lama kilinika lezinye indawo zomtholampilo ukuyahlabisa abantwana amajekiseni lawa awe immunization.
“Sifundisana lozulu wonke ukuthi engasaleli muva bevikele abantwana kuzifo ikakhulu izifo eziyisithupha ezilakho ukudaba umonakalo nxa abantwana bengahlatshwanga bekhula.”
Izikhubeko uthi zisuka zibe khona lapha lalaphana kodwa abanengi sebesamukela ukuba lumsebenzi uqakathekile okugoqela labamasonto ayengafuni ukuhlabisa abantwana amajekiseni lawa besithi umthetho wenkolo yabo awubavumeli ukuhlabisa abantwana.
Umnumzana Albert Mazula weyinye yenhlanganiso emela izakhamuzi uthi abanye kababuyi ukuzohlabisa abantwana kungenxa yokuthi kabala lwazi nje kwezempilakahle.
“Siyakhuthaza abantu sibili ukuba asihlatshweni ama jekiseni lawo azasinceda .Kwakuvele kukhona lakudala abantu bekhuluma inkulumo ezingaisizo kubangelwa yikungazi khona kudingakala ukuba sivikele abantwana bephile.”
Unkosikazi Elizabeth Chidi okhokhela inhlanganiso yabazali abalabantwana abakhubazekileyo eye Zimbabwe Parents of Handicapped Children Association uthi noma kuyakusuke kusinde abazali abangamalunga abo, ikakhulu abayabe belabantwana abasesimeni esibi bayaqinisana sibili okokuthi amalunga asezwisisa ukuqhakatheka kwalawa majekiseni.
“Kuma injection wonke e immunization okugoqela o polio lokunye sesibona sibili belandela indlela ngokuyikho behlabisa abantwana okuyinto esuthisayo okwamanje.”
Ugatsha lwezempilakahle lukhuthaza abazali ukuba umntwana wonke ahlatshwe amajekiseni okuvikela izifo ezitshiyeneyo. Amajekiseni lawa agoqela ehlatshwa umntwana esanda kuzalwa eye BCG, ehlatshwe eye MMR evikela ondingindi lokunye elenyanga eziyitshiyagalolunye evikelwe njalo ku polio le herpatitis enikezwe le booster yakhona.
Abenhlanganiso yomanyano wamazwe womhlaba kuhlangothi lwezempilakahle, eye \World Health Organization abemahofisini akhangele izwekazi leAfrica, bathi ukuhlaba abantwana amajekiseni awe Immunization kuvimba ukulahlekelwa ngumpefumulo kwabantwana abaphose bafike isigidi-800,000, ezwekazi labensundu kuphela ebangelwa yizifo lezi.
Amanye amazwe awezwekazi le Africa elokhe engakafiki kusilinganiso esidingakalayo ukuba abantwana bonge bavikeleke emikhuhlaneni evame ukuhlasela abantwana abaphansi kweminyaka emihlanu yokuzalwa.
