UMongameli Emmerson Mnangagwa uthi uzimisele ukusuka esihlalweni enganqotshwa kukhetho oluzakwenziwa ngomnyaka ozayo.
UMnangagwa wethule amazwe la eHarare izolo ekhuluma labakhokheli bamabandla aphikisayo amancane akumanyano wePOLAD. Ihofisi kaMnangagwa ithi uvumele iPOLAD ukuthi ibize umhlangano wokukhulumisana ngokutshabalala komnotho.
Emhlanganweni wayizolo bakhulumisane ngokutshiyeneyo okugoqela inguquko emele yenziwe phambilini kokhetho luka2023.
UMnangagwa uthembise ukuthi uhulumende uzazikhangelisisa izixwayiso eziphume kulumhlangano.
Amazwe akhe aza ngesikhathi abamabandla aphikisayo besithi abantu kumele bavote ngobunengi bakhiphe umnangagwa lohulumende wakhe kukhetho oluzayo ngoba sebebulele umnotho.
Njengokuthembisa kwethu, nanti ihlandla lesibili lengxoxo esiyethulele yona izolo phezu kwesimo somnotho, osokulethele uzulu ubunzima obukhulu.
Sixoxa lelunga leCitizens Coalition for Change uMnu Abdnico Bhebhe endawonye lelunga leZanu PF uMnu Believe Gaule onguye umqalisiziba.
