Abalwela Amalungelo Bathi iSADC Kumele Itshele uMnangagwa Ukuthi Enze Ukhetho Olukhululekileyo

WASHINGTON DC - Unobhala weSADC uhlangane loMongameli Emmerson Mnangagwa eHarare ngoLwesithathu, abalwela amalungelo besithi kumele akhuthaze uMnangagwa ukuthi aguqule indlela ezombusazwe lezokhetho eziqhutshwa ngayo phambilini kokhetho lomnyaka ozayo.

UMnu Elias Magosi utshele intathelizindaba ukuthi umhlangano wakhe loMnangagwa ubuyingxenye yohambo lwakhe lokwethekelela abakhokheli bamazwe asezansi yeAfrica.

Lanxa sehlulekile ukuxhumana loMagosi ngabakukhulume loMnangagwa, abalwela amalungelo oluntu bathi kubalulekile ukuthi umanyano weSADC ungenele kudaba lweZimbabwe ukuze ukhetho oluzayo lube ngolukhululekileyo.

Esikhathini esedluleyo lumanyano usuke wachothozwa ngabanengi ngokugoqa izandla uhulumende weZimbabwe ehlukuluza abantu ngendlela ezitshiyeneyo ezigoqela ukubulawa kwabanye ngamasotsha ngemva kokhetho luka2018.

Ingcwethi kwezombusazwe uMnu Dinizulu Macaphulana utshele iStudio 7 ukuthi lanxa kungenzeka ukuthi uMagosi akhulume loMnangagwa ngodaba lokhetho olukhululekileyo, akaboni ekulandela ayabe ekuxwayisiwe.

Embed share

Ingxoxo loMnu Dinizulu Macaphulana

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Sehlulekile ukuxhumana lesikhulumeli sikaMnangagwa uMnu George Charamba.