Intatheli Zinanza iPress Freedom Day Zikhala Ngokuthi Uhulumende Ulokhe Ezihlukuluza

WASHINGTON DC - Intathelizindaba zeZimbabwe zizamanyana lezakwamanye amazwe omhlaba ekunanzeni usuku lwePress Freedom Day namuhla ezinye zazo zikhala ngokuthi ukuhlukuluzwa kwazo nguhulumende kuyaqhubeka.

Umzekeliso ngowentathelizindaba edume ngokuchaya imisebenzi yenkohlakalo uHopewell Chin’ono, yena oke wathwaliswa nzima ngabasekeli bebandla leZanu PF ngempelasonto besithi bafuna ukumthathela imbuzi zakhe ngoba ebhala amanga ngohulumende.

Lanxa umsekeli kamphathintambo obona ngokwethulwa kwembiko uMnu Kindness Paradza etshele iStudio 7 izolo ukuthi intatheli zeZimbabwe sezisebenza zikhululekile njalo zingahlukuluzwa ngemva kokuba uhulumende esule imithetho eyayizincindezela efana lePOSA leAIPPA, inhlanganiso yeYoung Journalists Association ithi akunjalo.

Isikhulumeli salinhlanganiso uMnu Leo Munhende utshele lumsakazo ukuthi udaba lukaChin’ono luveza sobala ubunzima intathelizindaba ezilokhe zibhekane labo.

Embed share

Ingxoxo loMnu Leo Munhende

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:51 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Inhlanganiso yeMISA-Zimbabwe yona ithi lanxa izehlakalo zokubotshwa kwentatheli sezehlile kuleli, ukuhlukuluzwa kwazo akukapheli.