Imuli yakoNcube eFumukwe, kuWard 17 eGwanda South, ayibuquthi ubuthongo kulandela ukunyamalala komntwana oleminyaka yokuzalwa emine ngoZibandlela.
UHappy Ngwenya wanyamalala ngemva kokuba ethunywe lodadewabo ukuyacela umlilo komakhelwane.
UHappy wacatsha ngelanga lakhe lokuzalwa ngemva kokuba ethe ubone inkalakatha yenyoka, kuze kube lamhlanje akwaziwa ukuthi watshonaphi. Abakibo bathi babikela amapholisa abazisa ukuthi beqhubeke bemdinga.
Udadewabo kaHappy kubikwa esithi balahleka baze balala egangeni mhla zimatshumi mabili lasitshiyangalombili kunyanga kaZibandlela.
Uthi phakathi kobusuku uHappy wahlaba umkhosi esithi ubona inyoka njalo kulabantu ababagijimisayo.
Udadewabo uthi lokhu kakufakanga engqondweni kodwa uthe ephaphama ekuseni wathola uHappy engekho. yena waısedojwa ngabafana ababili ababedinga inkuni.
Unina kaHappiness Ngwenya, uShamiso Ncube
Unina uShamiso Ncube uthi kusukela lelolanga kabuquthi ubuthongo.
"UHappiness Ngwenya ngamcina mhlaka 28 January wanyamalala kabonakale lalamhlanje uyadingwa , wahamba lomunye umntwana bethunywe kogogo bathe bethunywe kogogo kwabonakala oyedwa umntwana yena kabonakalanga kuze kube lalamhlanje kabonakali, akulaleki, akudleki ngoba uyabe ungakwazi ukuthi umntwana unga kathesi uyenzani?
Uthi sebebhode kubosiyazi abathi umuntu owathatha umntwana yisihlobo sakhe.
"Silokhu simdinga uHappiness lakathesi besicela ukuthi ololwazi asincedise ngoba thina sesizamili izinyanga lamaprophet sizamile asisakwazi ukuthi siyenzeni ngoba umntwana siyamfuna, nxa amaprophet ekhuluma bayakhuluma ukuthi umntwana ukuzibani lathi kuyasizwisa ubuhlungu ngoba yizihlobo abantu abenze khonalokhu."
Ugogo kaHappiness uNkosikazi Betty Ncube
Ugogo kaHappy UNkosikazi Betty Ncube onguye obehlala laye ngesikhathi enyamalala uthi ufisa ukuthola iloba ngamathambo yomzukulu wakhe ukuze abelokuhlaliseka empilweni yakhe.
"Sifuna loba amathambo kumbe zona izigqoko zakhona sibone amathambo yomntwana, angilali ngiyazidla enhliziyweni yami okokuthi lanxa ngihamba ngesaba ukuthi ngizadibana lomzukulu wami."
UNkosikazi Sipho Dube oyisakhamuzi seFumukwe uthi njangabomama sebehlalele evalweni ngoba bengazi okuzayehlela abantwababo.
"Ngemva kwalokhu kulabantwana abangakwana abathathu kade behamba kodwa bephangisa ukubonakala, kutshengisela ukuthi yinto ekhona ephilayo njalo singekethesa sizaphelelwa ngabantwana sesipho ngubamba amathumba lanxa sibahambisa esikolo silesifiso ukuthi ngabe uhulumende uyangenela lumntwana simthole abanye bengakahambi."
UMnu Patrick Marupi ngomunye walabo abaphuma besiyadinga abantwana. Uthi kunengi okungaba kwehlela uHappy.
"Wayengumntwana omncane ngalesosikhathi izulu lalisina kakhulu lilomdumo lezinanakazana ezihamba egangeni zinengi sesipho ngucabangela ukuthi angabe wadliwa yizinanakazana, angabe wathathwa ngumfula izakhamizi asisakwazi ukuthi umntwana lo agnate wahamba njani."
Lanxa sekulenyanga ezintathu uHappy wanyamalala umndeni wakhe lokhu ungakalahli ithemba njalo ucela yiloba ngubani ongabasiza angenele.
