Abadabuka eZimbabwe abahlala eDiepsloot bathi sebedlela evalweni kulandela ukubulawa kuka Elvis Nyathi elokitshini leli.
Omunye wabo nguMnu. Khanyisani Sibanda othi kuyethuswa okwenziwa ngabadabuka kwele South Africa elokitshini leli.
USibanda uthi kunzima ukuya ekhaya ngoba akulamisebenzi kwele Zimbabwe.
Omunye njalo ohlala eDiepsloot, uMnu. Moses Ndlovu uthi sesifikile isikhathi sokuba abantu bonke abahlala kwele South Africa abadabuka eZImbabwe babuyele ekhaya.
UMnu. Petros Nkomo, laye ohlala kuleyondawo uyakusekela lokhu.
UNkomo uthi okunye okuhluphayo yikuthi kulabanye abadabuka eZimbabwe abayizigebengu abahlupha uzulu eDiepsloot.
Uthi kumele abantu bezibambe ngoba sebekhathele abadabuka eSouth Africa.
Kodwa uthi UNyathi ubulewe ngabantu abangazi lutho ngempilo yakhe ngoba ubehlezi kahle labadabuka kwele South Africa labanye.
UNyathi ubanjwe ngabadaduka kwele South Africa abamgangade ngensibi, imiqwayi lokunye bamtshisa ngamathaya emota.