Abohlangothi olubona ngemihloliso olwe Zimbabwe School Examination Council- ZIMSEC bethule impumela yemihloliso yanyakenye eka’A’ level. Limpumela ibikwa iveza ukuba abantwana benze kuhle okumangalisayo kulalokho okuvame ukwenzakala eminyakeni edlule.
Lokhu kuvezwe ngabe ZIMSEC embikweni abawuphe intathelizindaba namhlanje, lapho abagcizelele ukuba inani labantwana abanze kuhle lonyaka likhuphukile nxa kuqhathaniswa leminyakeni esanda kwedlula.
Abafundi abapase ama subjects amabili bazinkulungwani ezinngamatshumi phose amahlanu- 48,234 okuyisilinganiso sokungamatshumi edlula athobaminwembili ekhulwini- 84.67%.
Isikhulumeli se ZIMSEC uNkosikazi Nick Dlamini uthi ababalise bayenelisa ukuyathatha impumela yabantwana kusasa ezigabeni ezehlukeneyo.
“IZIMSEC ithanda ukwaziza uzulu ngempumela ye ZIMSEC ka 2021. Abaphathizikolo bakhuthazwa ukuba bayethatha imiklomela yabo ezigabeni ezehlukeneyo zelizwe kuqala kusasa”
Uqhubeke esithi labo abenelisa ukuthola impumela ebulenjini be internet bayenelisa ukwenza njalo kuqala namhlanje.
“ Abazali bayenelisa ukubona imiklomela yabo ebulenjini be internet namhlanje. Sithanda ukubonga usekelo esaluphiwa ngabo gatsha lwezemfundo kumnyaka lo”
Omunye umzali uMnu Peter Banda uthi uyathokoza nge mpumela ye A level esithi abantwana sebezenelisa ukuya lungiselela ukuya emakolitshini.
“Impumela leyi iyangithokozisa ngoba nxa sikhangela isikhathi sesihambile kungakhop abantwana sebezathola isikhathi sokuba balungiselele ukuya ema university. Ungakhangela kakuhle amakolitshi asekhiphile ama adverts”
Kodwa omunye umzali uMnu Phineas Sithole uthi uyamangala ukuba abantwana benelise njani ukuphumelele ngemva kokuphazamiswa yi Covid-19.
“Impumela leyi kangiboni kahle ngoba abantwana siyazi ukuba bebengafundi. Ngiyakwala lokhu engxenye yikuthi abantwana sebebabala kakhulu. Bekumele IZIMSEC bekumele ixolise ngokuphuza ukukhipha imiklomela”
IZIMSEC iphinde yathi kube labantwana abanengi abalobe imihloliso abangamankazana kuthi abantwana abalobe imihloliso bengayi esikolo inani labo likhuphukile.
