Amagqwetha enhlanganiso yeZimbabwe Lawyers for Human Rights athi osekela ibandla leCitizens Coalition for Change uMnu. Godfrey Karembera owazakala ngokuthi nguMadzibaba weShanduko ubotshiwe ngamapholisa ngoLwesine eHarare, watshaywa walimala kakubi. Wetheswa icala lokuletha ukungahlaliseki emphakathini ele’disorderly conduct.”
UMadzibaba weShanduko wazakala ngokugqoka isembatho eside njengamaPostoli kodwa silombala olithanga oluphawu lweCCC njalo kuvame ukuthi abonakale egida ethwele umqwayi emihlanganweni yamaRally alelibandla.
Imfanekiso esenkundleni zebulenjini ibonisa elimele eqolo.
Ugatsha lukahulumende olubona ngokwethulwa kwembiko luthi liwubonile lumfanekiso njalo lusadingisisa ngaloludaba andubana lwethule umbiko ocacileyo.
Umsekeli wesikhulumeli sebandla leCCC uMnu. Felix Magalela Mafa, uthi ibandla lakhe liyakusola kakhulu okwenziwe ngamapholisa.
