UBiden Wethula Umlayo Ovimba Izizalwane zeMelika Ukudlelana Lezigaba zeUkraine Esezihluthunwe yiRussia

WASHINGTON DC - UMongameli waseMelika uMnu Joe Biden izolo usayine isiqondiso athi sijonge ukwenqabela eleRussia ukuthola inzuzo kudaba lweUkraine kulandela amazwi kaMongameli weRussia uMnu Vladimir Putin awokuthi usenanza izigaba zeUkraine ezihluthunwe ngabahlamuki, njengamazwe azimeleyo.

Izigaba lezi zizibiza ngokuthi yiDonentsk People’s Republic leLuhanski People’s Republic.

Umlayo osayinwe nguBiden uvimba izialwane zaseMelika ukuthengiselana kumbe ukudlelana lalezizigaba, lapho uPutin uthe usethumela amabutho akhe.

Le yinto ecunule eleMelika lamazwe akuNATO, wona athi lokhu kuveza sobala ukuthi uPutin ujonge ukuhlasela eleUkraine. Eloba enkundleni yeTwitter izolo, uMongameli Biden uthe ngokwenza lokhu eleRussia lephule umthetho wamazwe omhlala.

Ngakho uthe iMelika iphakathi kokukhulumisana labangane bayo abagoqela lona aleUkraine phezu kokuthi bathathe manyathelo bani.

Ohlaziya ezombusazwe uMnu Tim Muringai utshele iStudio 7 ukuthi uPutin ukhanya elengqondo yokuvuselela umanyano weSoviet Union.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:21 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala