Ikhansili yakoBulawayo isiqalile ukuvalela asebelesikhathi eside bengabhadaliimithelo yamanzi kanye lokunye. Abakamanisiphala bathi basungule lolu hlelo ngemva kokwazisa uzulu kusese lesikhathi ngoba kunje izakhamizi zilezikhwelede zamadolar eZimbabwe angaphezu kweBhiliyoni-ZW$1,3billion.
Abaqala ukuvalelwa amanzi kubikwa kuyilabo asebelenyanga ezimbili kusiphezulu bengabhadalanga imithelo.
Ukhansila Tawanda Ruzive umgcinisihlalo wekomiti ekhangele imali kanye lokuthuthukiswa kukaBulawayo ucebisa abantu ukuthi bayekhulumisana labakamanisiphala ngezikhwelede lezi.
“Ngithanda ukukhuthaza izakhamizi zonke ukuthi zibhadale izikwelede zamanzi lama rates ikhansili yenu khathesi iyahlupheka ukwenza imisebenzi ngenxa yokuswelakala kwemali, liyakhuthazwa lonke ukwenza ipayment plan emahofisini ukuze lingavalelwa amanzi.
Umnunzana Effort Ncube umqondisi weNational Consumer Rights Association uthiayisikho ukuthi abantu kabafuni ukubhadala imithelo yamanzi kodwa kulezizatho ezinengiezibenza behluleke.
"Abantu imali iyabahlupha abala misebenzi lalaba abasebenzayo bahola imali encane elokhe iphelelwa ngamandla njalo nje .Kubangumthwalo omkhulu ebantwini ukuba babhadale balutshwane abantu abangaba lenjongo yokungafuni ukubhadala inengi labantu lilenjongo yokubhadala ingabona bengabhadali kulenjongo ngakho ke uhulumende kumele akulungisise khonalokho kubelemisebenzi lezinto ezizakwenza ukuthi abantu babhadale.”
Okugcizelelwe nguNkosikazi Nomathemba Msipha isakhamuzi sesemzini weNkulumane koBulawayo.
“Ukuba lezikwelede asosifiso sethu izizatho zinengi ungakunanzelela inengi labantu laphazamiseka ngeCovid imisebenzi yaphela okwasuka kwabanzima ukuthi silandelele lamabills ezindlini,ikhansili ivala amanzi kuthi labezesa bayacitsha amagetsi sizaqonda ngaphi.”
Umnumzana Ambrose Sibindi umgcinisihlalo weBulawayo Progressive Residents Association uthi abantu kumele bananzelele ukuthi angeke asebenza kuhle umanisiphala nxa engatholi imali yokuqhuba umsebenzi.
“Ikhansili yakoBulawayo isivale amanzi emalokitshini ngenxa yokuthi abantu bengabhadalanga izimali esingakutsho yikuthi amaresidents sibone ukuthi siyabhadala imali zethu singameleli ukuqunyelwa amanzi. Ama services esiwadingayo kuzakuba nzima ukuthi siwathole, ukungabhadali kutsho ukuthi amaservices ayehla ayephansi ngokunjalo sesihlala silohlupho lokuthi singancediswa njani.”
Umbiko owethulwe ngeviki ephelileyo nguTown Clerk wakoBulawayo, umnumzana Christopher Dube uchaze ukuba ikhansili izakhuphukisa indlela zokulandelela izikwelede ngenyanga kaNhlolanja. Wengeza ngokukhuthaza izakhamuzi ezilezikwelede ukuba ziye emahofisini ekhansili ziyehlela ukuba zingabhadala njani indleko abalazo ukwenzela ukuthi bengajeziswa.
Ngomnyaka ophelileyo ngoLwezi ikhansili yaveza ukuba ukuhlela kokubhadala indleko okwenziwa yizakhamuzi kwakuthuthukisa inani lababhadalayo elasuka kutshumi lantathu ekhulwini (13%) laya kumatshumi ayisikhombisa lanye ekhulwini (71%).
