Ikhomisheni yezokhetho, iZEC, ithi imali ezasetshenziswa ukuqhuba ukhetho lwama by elections oluzenziwa ngenyanaga kaMbimbitho luzadinga imali engadola angamabhiliyoni afika phose amane $3.7 billion kuthi uhlelo lokubhalisela ukuvota lona lubize amabhiliyoni afika phose amahlanu, $4.5 billion.
Ocubungula ezombusaze uMnu. Ambrose Sibindi uthi lanxa imali ezasetshenziswa inengi kakhulu kumele kunanzelelwe ukuthi uhulumende nguye owayelokhu emadolonzima njalo imali iyabe ingadlaliswanga.
Ingcwethi ecubungula ezomnotho, uMnu. Masimba Kuchera uthi imali le ikhanya ingani inengi ngoba idola le Zimbabwe livele selingaselamandla.
Ocubungula ezombusazwe, uMnu. Nhlanhla Moses Ncube, owebandla leFreedom Alliance, uthi imali le ngabe isetshenziswe ukwakha hatshi ukucithwa kukhetho oluzasebenza okomnyaka owodwa nje kuphela.
Ezinye ingcwethi kwezomnotho zithi imali esetshenziswa ukuqhuba ukhetho elizweni inengi kakhulu nxa kuqahathaniswa lokwenzakalayo.
