Inhlanganiso elwisana lenkohlakalo, eye Transparency Internation namuhla yethule uluhlu lwamazwe alenkohlakalo njalo loluluhlu lutshengisa ukuthi eleZimbabwe lehle kancane kuluhlu lolu.
Ngomyaka odluleyo ele Zimbabwe belikumatshumi amabili lantathu, 23 lehla lumnyaka laya ku 24. Amanombolo atshengisa ukuthi Phakathi kwabantu abalikhulu abangamatshumi amabili lantathu bayake benze inkohlakalo.
Ocubungula ezombusazwe, uMnu. Thandeko Zinti Mkandla uthi inkohlakalo ibhahile eZimbabwe ngoba iqala phezulu, kuziphathamandla.
UMkandla uvumelane losomabhizimusi wako Bulawayo, ocubungula ezomnotho, uMnu. Anglistone Sibanda yena othi kugcwele inhlanganiso ezithiwa zivekela inhlakalo kodwa kukhanya ngumandlwane.
Ingcwethui ecubungula ezombuso, uMnu. Nhlanhla Moses Ncube othi okwenza umnotho welizwe ungayindawo yinkohlakalo.
Emkhosini wokwethula uluhlu lwanamuhla, usomabhizi uMnu. Nigel Chanakira uthe kuqakathekile ukuthi loluluhlu lutshengise okuhle okwenzkala elizwni ngoba osomabhizimusi bamanya amazwe basebenzisa lona Kanye loluhlu ukuthi baze elizweni kumbe hatshi.
