Umnotho welizwe obuvele ungahambi kuhle ucuba ngenxa yobhubhane lwe Covid 19 olutshiye abanye bengasasebenzi njalo lokulungiswayo emafakitali sokukulutshawana ngenxa yemigoqo yabezempilakahle yokuvala ilizwe usucobodiswa yikusilela kwamandla kagetsi.
Isiphathamandla senhlanganiso elwela ilungelo lezakhamizi, eye Bulawayo Progressive Residents’ Association, uMnu. Ambrose Sibindi uthi uzulu uselahlekelwe ngento ezinengi ngenxa yokusilela kwamandla kagetsi.
Ingcwethi kwezenotho, uMnu. Rejoice Ngwenya uthi wona mandla kagetsi avele malutshwana elizweni okokuthi ngabe umnotho uhamba kuhle kade kuzakuba kubi kakhulu.
Sibuze uSibindi ukuthi Amandla elanga, awe solar akusilocebo elingaphathisa ilizwe na?
Isikhulumelisenhlanganiso elwela ilungelo labathengi, eye Consumer Rights Associaiton, uMnu. Effie Dlela Ncube uthi ukuvlwa kwamandla kagetsi lokhu kuzabangela ukuthi osomabhizimusi bakhweze intengo yokudla lempahahla.cInkampanoi ye Zesa ithi imitshina yesititshi se Hwange Power Station ayisebenzi ngemfanelo okubangela ukusilela kwamandla kagetsi lokhu.
Kodwa linkampani ithi imitshina le iyalungisiswa.
