Indizamtshina ethwele umuthi wokuhlaba abantu ijekiseni yokubavikela kugcikwane le coronavirus ifikile namuhla ekuseni ivela kwele China.
Umuthi lo owemijovo ezinkulungwane ezingamakhulu amabili, 200 000, ukhangelelwe ukujova abantu abayinkulungwane eyodwa, 100 000, ngoba umuntu ngamunye umele ahlatshwe kabili.
UMongameli Emmerson Mnangagwa ukhangelelwe ukethula amazwi okwamukela umuthi lo namuhla ekuseni.
UMnangagwa ukhangelelwe njalo ukwethulela isizwe isimo segcikwane lecoronavirus elizweni lokuthi imigoqo ekhona izekethiswa na?
Sixoxe lesiphathamandla senhlanganiso elwela ilungelo lezakhamizi eye Bulawayo Progressive Residents’ Association, uMnu. Thembelani Dube.
Kunjalo nje, inani labathelelwa leligcikwane lokhu lisibanganeno lezinsuku. Ugatsha lwezempilakahle luthi kulabantu ababili nje kuphela ababulewe ngumkhuhlane we covid 19 izolo.
Kulabafika amatshumi phose ayisikhombisa, 68, abathelelwe leligcikwane. Bonke ngabalithelelwe elizweni inengi labo kungabe dolobho le Harare. Ababhubhileyo oyedwa ngowesigaba se Mashonaland East lase Harare.
