Abezempilakahle bathi uhlobo lwegcikwane le coronavirus elilobukhali alikabonakali elizweni lanxa libikwa selikhona kwele South Africa.
Amanye amazwe abalisa lele Bhilitane lalo elibikwa selilalo leligcikwane, asevimbe abavela kwele South Africa ukuthi bangene emazweni abo.
Lanxa abezempilakahle besithi basacwayisisa isimo segcikwane leli elitsha osekuvele mgceke yikuthi umkhakha wegcikwane elitsha limemetheka lula kulaleli ebelivele likhona.
Sixoxe lengcwethi kwezempilakahle uDokotela Rorgers Magigo saqala ngokumbuza ukuthi selifikile yini elizweni leligcikwane?
Lokhu sikudaba lunye, ugatsha lwezempilakahle luthi kulabantu abane ababulewe ngumkhuhlane we Covid 19 elizweni izolo.
Kuthi kwabantu abedlula inkulungwane eyodwa lengxenye abahloliweyo, 1500 abedlula ikhulu, 112 babanjwe igcikwane le coronavirus.
Kulaba ababhubhileyo ababili ngabesigaba seMashonale East, oyedwa ngowakoBulawayo lomunye njalo oyedwa owe Manicaland.
