Umongameli Cyril Ramaphosa wele South Africa usekhweze izinga lemigoqo yokwenqabela ukumemetheka kwegciwane le coronavirus ngoba esithi inengi beseligqoka amamask entanyeni.
URamaphosa uthe ngalokho inani lababanjwa igcikwane le coronavirus liyakhwela nsukuzonke.
Izolo uthi kulabantu abazinkulungwane ezine, 4 000, abatholakale belegcikwane leli ngelanga linye.
URamaphosa uthe, lanxa bengakhuphuli izinga lokulimuka, kumbe ilevel ngesingisi, sokuzengezelelwa amahola ecurfew njalo kubotshwe ziqini kumigoqo ebivele ikhona efana lokugqoka ama mask, ukuqhelelana kunye lokuhlangana abantu bebanengi sikhathi sinye.
Sixoxe lomgcinisihlalo wenhlanganiso yezizalwane zamazwe ezwekazi le Africa ezihalala kwele South Africa, eye, Africa Diaspora Forum, uMnu. Vusumuzi Sibanda.
Kunjalo nje, ugatsha lwezempilakahle luthi kulabantu ababili eZimbabwe ababulewe ngumkhuhlane wecovid 19 izolo. Oyedwa ngowe Masvingo kuthi omunye ngowe Manicaland. Ngasikhathi sinye kulabalikhulu letshumi elilokubili, 112 abangabanye abahlolwe batholakala belegcikwane lecoronavirus.
