Ibandla leZanu PF lithi selijezise uMnu. Dexter Nduna, omela iChegutu West edale lephalamende ngoba engalandelanga iziqondiso zebandla ukuthi kungenziwa ukhetho lwama by elections esigabeni sakhe lapho abikwa wayefuna ukufaka umuntu amfunayo ukuba ngukhansila ka ward 2 lokubangela udlakela.
Umgcinisihlalo wesigaba seNkabazwe, uMnu. Ziyambi Ziyambi wethule umbiko othi uNduna usemiswe ukuba lilunga lebandla okweminyaka emithathu kodwa engavuma ukuyafunda esikolo sebandla esifundisa usiko lwebandla ese Herbert Chitepo Ideological College.
Ngenyana kaMbimbitho uZiyambi Ziyambi wetheswa icala lokubangela udlakela kulesisigaba kubangwa sona isihlalo sika ward 2 lesinye njalo isiphathamandla sebandla, uMnu. Webster Shamu.
Kunjalo nje, lelibandla lithi selithathela ipulazi owake waba ngumkhokheli wabasakhulayo uMnu Kudzanai Chipanga ngemva kokwala isicelo sakhe sesibili esokuthi avunyelwe njalo ukuba lilunga lalo.
Isikhulumeli seZanu PF uMnu Patrick Chimanasa utshele intathelizindaba izolo ukuthi idale lePolitburo lale ukwamukela uChipanga ngoba watshengisa ukudelela inkokheli yalelibandla esebenza lecele lebandla elithiwa yi G40.
Ngokunjalo, uChinamasa uthe sebemthathela lepulazi aliphiwa yinkokheli yeG40 egoqela uMnu Jonathan Moyo loMnu Savior Kasukuwere.
Uthi uChipanga waphiwa lelipulazi ngaphandle komthetho lapho okwakumele kwakhelwe khona ikolitshi leManicaland State University. UMnu Chipanga wabotshwa wasexotshwa kuZanu PF ngemva kokugenqulwa kukaMnu Robert Mugabe libutho ngo2017.
Sixoxe locubungula ezombusazwe uMnu Effie Dlela Ncube.