Kube lokutshengisela kwabasola ukubulawa kwabensundu kwaba labatshengisela besola abatshengiselayo. Lokhu yiko okuhlangabeze uMongameli Donald Trump eze evakatshele eWisconsin. Lapho okwadutshulwa onsundu ngamapholisa inhlamvu eziyisikhombisa befuna ukumbhopha.
Kungelani lokucetshiswa ngumeya lo gavena ukuthi engayi edolobheni le Kenosha ngoba engaphehla udlakela uTrump uvakatshele indawo ezatshiswa ngababetshengisela.
"Sizabaphathisa kakhulu abalahlekelweyo", kutsho uTrump.
UTrump wahlanga labezomvikela hatshi imuli yalowo owadutshulwayo.
UTrump yena uke wathi omhlophe owadubula wabulala abantu ngesikhathi kutshengiselwa wayezivikela.
Kodwa usolwe ngabanengi ababalisa ozancintitsana laye uMnu. Joe Biden.
"Ilizwe liphakathi komlilo kodwa silomuntu obasela lumlilo kulokuthi awubhule," kutsho uBiden.
Kodwa yena uTrump usole abebandla lama Democrats esithi yibo abenza ukuthi kube lodlakela lolu.
Baqhubeka besithi kulobandlululo olubangela ukuthi amapholisa abulale abensundu, kutsho uTrump.
Indlela uTrump aphatha ngayo udaba lobandlululo luqhubeka lusiba yindikimba yokhetho oluzayo. Ingcwethi zithi lokhu kulakho ukubangela ukuthi abensundu bavote ngobunengi. Kodwa ezinye ingcwethi zithi umkhankaso ka Trump owokuthi uletha umethetho lokuhlaliseka ulakho ukungamukelwa.
