Kulabantu abalitshumi lambili ababanjwe iCoronavirus elizweni izolo, okubangele ukuthi inani lasebetholakale belegciwane leli likhuphuke liye kumakhulu amathathu alamatshumi amathathu lambili, 332.
Ugatsha olubona ngezempilakahle luthi ngapandle koyedwa, abantu bonke laba ngabavele kweleSouth Africa.
Luthi njalo inani lasebesindile selikhwelile laya kumatshumi amahlanu lanye, 51 ngemva kokuphola kwababili.
Asebefile balokhu bebane.
Ukukhwela kwenani labaleCoronavirus lokhu kuza ngesikhathi uMongameli Emmerson Mnangagwa esehlele ukuthi ngoMvulo mhlaka 15 lilanga lokuzila kanye lokukhulekela ukuthi umkhuhlane lo udlule.
Uthe njalo amaSonto asevunyelwa ukukhonza kodwa kamelanga abe lemibuthano alabantu abedlula amatshumi amahlanu.
Sixoxe lesiphathamandla senhlanganiso elimukisa uzulu ngomkhuhlane lo eyeCitizens Covid-19 Monitor uMnu Effie Dlela Ncube.
