Uhulumende uthi usethumele amasotsha ukuthi aphathise ekubambeni ngamandla abantu ukuthi bangaphuma-phumi ezindlini zabo phansi kwemizamo yokwenqabela ukumemetheka kwegcikwane lecoronavirus.
KoBulawayo amasotsha abikwa abevele esekhona esebenza ndawonye lamapholisa.
Umsekeli kamphathintambo wezomvikela, uMnu. Victor Matemadanda utshele intathelizindaba ukuthi uzulu engamangaliswa ngamasotsha ngoba amazwe womhlaba wonke asebenzisa amapholisa lamasotsha ekufezeni izibopho zokwenqabela ukumemetheka kwegcikwane le coronavirus eselibulele inkulungwane zabantu emhlabeni jikelele.
Sixoxe lesakhamuzi sakobulawayo, uMnu. Edwin Ndlovu, oyisiphathamandla njalo sebandla leMDC ukuze sizwe okunengi ngohlelo lukahulumende lokuvimba uzulu ukuthi engahambihambi mahlayana ezitaladeni.
Lokhu sikudaba lunye siphinde saxoxa lolwela ilungelo likazulu, uMfundisi Anglistone Sibanda mayelana ngodaba lokuhlala ezindlini.