Umndeni wakoMugabe uthi uMnu Robert Mugabe uzangcwatshelwa emalibeni amaqhawe eNational Heroes Acre ngemva kwenyanga.
AbakoMugabe bebesithi akasoze abekwe eHeroes Acre; kodwa isikhulumeli salimuli uMnu Leo Mugabe utshele intathelizindaba ngoLwesihlanu ntambama ukuthi bavumelene njengemuli ukuthi abekwe kulindawo.
Kodwa uthe uzangcwatshwa sokwedlule inyanga.
“Isidumbu sizakuya koZvimba ukuze abemuli labesigaba sakhe bathole ithuba lokumvalelisa,” kutsho isikhulumeli sakoMugabe, uMnu Leo Mugabe.
“Ngemva kwalokho isidumbu sakhe sizaphenduka eHarare sihlale okwenyanga sisamelele ukuthi kulungiswe lapho azabekwa khona eHeroes Acre.”
Luke lwaba segudwini kakhulu udaba lokubekwa kukaMnu Mugabe amanye amalunga esala ukuthi abekwe eHeroes Acre.
Bebesithi kumele ayebekwa emzini wakhe koZvimba kulandelwa isifiso sakhe.
Kodwa ilunga leZanu PF uMnu Dingumuzi Phuti, ongumeli weBulilima West edale lephalamende utshele iStudio 7 ukuthi kungaba liphutha nxa uMugabe engasabekwanga eHeroes Acre.
