Kuhlelo Woza Friday silomhlabeleli osakhulayo uNovuyo Seagirl Dube ongowakuqala kwabesifazana ukunqoba kumncintiswane wezokucula owe Star Brite Zimbabwe Talent Contest ngo 2015.
Bayazama abantwana abanengi ukungena kwezomculo kuloba nje abantu abalamali yokuthenga imculo yabo ngenxa yomumo wezomnotho.
Namhlanje sihlangane lentombazana esikhathazile njalo silodumo olukhulu kweleZimbabwe
“Igama lami nginguNovuyo Seagirl Dube ngileminyaka engu 27. Ngazalelwa koBulawayo khonapha kontuthu ziyathunqa esibhedlela seMpilo, angafunda eSt Columbus High after sengivela eNjube HIgh leGeorge Silundika High School,” kutsho uDube.
Abanye baya esikolweni ukuyafundela ukucula kodwa uSeagirl kusegazini
“ Ngingathi ezokuhlabelela ngaziqalisa ngisesemncane. l remember ngile twin lami sasithanda ukuthi nxa sisebath sigeza sifomingoma esizazihlabela eChurch emini sihambe siyehlabela so ilove yaqala ngisesemncane but iconfidence yami yayingathi isesencane. Utwin wami nguye owayethanda ukuleader mina ngibe ngulowana ombhekhayo all the time so ngakhula ngakhula ngaze ngadeveloper more into it. Ngathi ngo 2014 lapho esaqala khona iband kuyimi letwin lami lokhazeni wethu uQeqeshiwe Mtambo lapho esaformer khona iband yethi ngo 2014. then ku2015 ngahamba kuStar Brite ngiyi one lapho engawinner khona for i overall prize yeStar Brite, then ngaqhubeka ngisiyaphambili,” kutsho uDube.
Kwakungazake kube lowesifazana onqoba kumncintiswane kodwa uNovuyo Seagirl wathatha isicoco kalula, nguye esikwejise laye kuWoza Friday.
“Emveni yokubana sengiwine iStar Brite ngidlule iZimbabwe yonke and ngingowesifazana owakuqala ukuwinner iStar Brite lokhu yaqalisayo ngasengisiya eStudio ngaqalisa ukurekhoda. Ngakhipha isingle yami yakuqala uAEIO khathesi ngo 2017 actually then lokhu ngiqhubekela phambili. Khathesi lm working on ialbum okuthiwa nguLove, Bitter and Sweet Sweet. Its all about Love ezothando ezothando. Kahle kahle ngikhuluma ngokuthi uthando olubuhlungu lothando olumnandi so ngiya compiler konke, kuzabe kuleJazz khonapho, iReggae Soul khonapho, kuyabe kule Deep House yonke imhlobo yemusic iAfro Pop just ukuthi ngi accomodete wonke umuntu amafans ami wonke ngoba yimhlobo yemusic engiyithandayo,” kutsho uDube.
Ngiyazi bakhona abafuna ukuxhumana loSeagirl abathanda umculo wakhe.
“ Uma lifuna ukuthola imusic yami linganginqamekela kuma social media platforms face book Novuyo Seagirl Dube kufan page yami Novuyo deshi Seagirl kutwitter @Novuyo Seagirl 1, instagram Novuyo Seagirl, yonke ndawo Novuyo Seagirl Youtube ngokhona Novuyo Seagirl uya searcher, uyazithola ingoma zami Soundcloud yonkindawo, yebo ngiyalithanda ngiyabonga balaleli,” kutsho uDube.
Ngibuye ngimbongele njalo uNovuyo Seagirl Dube ebesilaye kuhlelo Woza Woza Friday, ngisithi libe lempelasonto elitshukela igama lami nginguEzra Tshisa Sibanda bye bye.
