Uzulu uthukuthele ngokusilela kwamafutha ephethulo ledizili okuqhubeka kusiba kubi elizweni. Okucunula abantu abanengi yikuthi uhulumende ukhanya esehluleka ukululungisisa loludaba.
Umphathintambo wezemali uMnu Mthuli Ncube uveze ngeviki edlulileyo ukuthi imbangela yodubo lolu yikusilela kwedola leMelika. Sixoxe lengcwethi kwezombusazwe uMnu Effie Dlela Ncube.
Kutsho uNcube: “Udubo lokusilela kwamafutha ezimota luveza ukuba umkhonomi awumanga kahle, luveza ukuthi imali yangaphandle kwelizwe ethiwa yi foreign currency ayikabi khona phakathi kwelizwe.”
UNcube uthi kuveza njalo lokuthi lalapho isikhona imali le iyantshotshwa. Uthi lokhu kubangelwa yikuthi abavele bephiwa imali yokuthenga amafutha la ngabakwezeombusazwe.
“Ukukhwela kwezinto ezitolo kuyakhathaza kakhulu abantu kodwa ke uhulumende nguye okungabelayo khonalokho ngendlela yokuthi wekele ubugebengu obuthiwa yi profiteering okwenziwa yikufuna ukuthola inzuzo enengi ngesikhathi esilutshwana,” kutsho uNcube.
Uthi lobusela labo bubangela ukusielala kwamafutha.
