Izibonelo zomnotho welizwe ziqhubeka zikhomba ukungahlaliseki kwezemali kulandela ukhetho olwenziwe ekupheleni kwenyanga edluleyo. Isisindo semali yohlobo lwe bond siqhubeke sisehla kungaleni lokuthi sokulohulumende omutsha.
Amazwe angentshonalanga ayethembise ukuphathisa ilizwe ngemva kokhetho akhanya elokhu esabophe izamba zawo. Inhloko kahulumende wakwele Bhilitane, uNkosikazi Theresa May ukhekheleze ilizwe leZimbabwe kuhambo lwakhe lwezwekazi le Africa, abanye abathi ukungalugxobi eZimbabwe kutshengisa okunengi.
Ingcwethi ecubungula ezombusazwe, uMnu. Richard Mahomva uthi kumele ukuthi uMongameli Mnangagwa akhethe abantu abalenqondo ezikhaliphileyo kudale lakhe le cabinet.
Njengoba izikolo zisiyavulwa kubikwa kulemali yohlobo lwama bond enenganyana ebhodabhodayo okwengenza isisindo sohlobo lwemali le sine nganeno.
Ingcwethi ecubungula ezombusazwe ekucele le Zanu PF, uMnu. Lloyd Msipa uthi okwenzakalayo yikukhasa nje komnotho ngoba uzasukuma uthuthuke.
Umkhokheli wenhlanganiso yabathenga impahla phandle kwelizwe besiyathengisa elizweni, eye International Crossborders’ Association, uMnu. Dennis Juru uthi okwenza kubenzima ukuthenga impahla eSouth Africa yikuthi isisindo sebond lokuthenga ama rand sesiwile.
Umongameli Emmerson Mnangagwa ukhangelelwe ukukhetha amalunga edale lakhe le cabinet elizapha ilizwe inkomba yokubana lizahlengwa na ebunzimeni kumbe kuzaqhubeka kulendwendwe emabhanga, imali iselela lokunye okunenginengi okuhlasele umnotho welizwe.