WASHINGTON DC —
Umkhokheli welinye lamacele eMDC oyinhloko kahulumende womanyano uMnumzana Morgan Tsvangirai okhanya elethemba lokuthi enganqoba kukhetho oluzayo, umangalise abalandeli bebandla lakhe ngolweSihlanu eGweru ngokuthi enganqotshwa uzatshiya isikhundla sakhe.
UTsvangirai utshele umbuthano wenkokheli yeziqinti ukuthi ibandla lakhe selilolwazi olujulileyo oluphathelane lokubusa kulandela ukungena kwebandla lakhe kuhulumende womanyano.
Ibandla likaTsvangirai liphawule uhlelo lokuvuselela inotho yelizwe oluthiwa JUICE ngolweSine. Utshele lumbuthano ukuthi ibandla leZanu PF labulala umnotho welizwe ngokungethuli uhlelo olunjengolwabo olwe JUICE abathi luzadala imisebenzi eminengi.
Amazwi kaTsvangirai okuthi engasuka esikhundleni enganqotshwa amangalise lengcwethi ezicubungula ezombusazwe. Nxa engasuka okhangelelwe ukuthatha isikhundla sakhe nguNkosazana Thokozani Khuphe umsekeli wakhe.
UChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya oveza imbono yakhe ngaloludaba.
UTsvangirai utshele umbuthano wenkokheli yeziqinti ukuthi ibandla lakhe selilolwazi olujulileyo oluphathelane lokubusa kulandela ukungena kwebandla lakhe kuhulumende womanyano.
Ibandla likaTsvangirai liphawule uhlelo lokuvuselela inotho yelizwe oluthiwa JUICE ngolweSine. Utshele lumbuthano ukuthi ibandla leZanu PF labulala umnotho welizwe ngokungethuli uhlelo olunjengolwabo olwe JUICE abathi luzadala imisebenzi eminengi.
Amazwi kaTsvangirai okuthi engasuka esikhundleni enganqotshwa amangalise lengcwethi ezicubungula ezombusazwe. Nxa engasuka okhangelelwe ukuthatha isikhundla sakhe nguNkosazana Thokozani Khuphe umsekeli wakhe.
UChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya oveza imbono yakhe ngaloludaba.