UMeli weMelika eZimbabwe uMnu Charles Ray uthi uhulumende welizwe lakhe uzimisele ukwesula izijeziso azifakela iziphathamandla zeZanu PF, ezigoqela uMongameli Mugabe, nxa lelibandla lingavuma ukugcwalisa iziqondiso sezivumelwano seGlobal Political Agreement.
URay wethule amazwi la emhlanganweni oqhutshelwe eHarare ngoLwesine obuhlaziya ubudlelwano beMelika leZimbabwe.
Wengeze wathi ilizwe lakhe lizimisele ukuqhubeka lidlelana kuhle leZimbabwe, esithi iMelika ayilahlangothi elusekelayo kwezombusazwe. Uthe njalo abalandaba lokuthi ngubani obusayo, inqe ukhetho luqhutshwe kuhle lamalungelo oluntu ehlonitshwa.
Ibandla leZanu PF lona lihlezi lisola iMDC lisithi ilibandla lezikhothamathe zeMelika leBhilithani. Kodwa uRay uthe akuyisilo qiniso lokhu.
Udaba lwezijeziso ngolunye oluhluphayo kuhulumende womanyano, uMugabe labanye bakhe besithi bafuna izijeziso lezi zesulwe bengakaze bevume ukugcwalisisa isivumelwano seGPA.
