WASHINGTON DC —
Isiqalisile ingxoxompikiswano phezu kwalabo ababekwa emathuneni awe National Heroes Acre kulandela ukubhubha kwabalwa impi yenkululeko ababili abangcwatshwe endaweni ezitshiyeneyo.
Kunsukwana ezisanda kwedlula uBrigadier John Zingoni ungcwatshwe eHeroes Acre kwathi umnumzana Wilfred Mhanda, wayabekwa emathuneni aweForest Glen Cemetary duzane leHarare. NgoMgqibelo kukhangelelwe ukungcwatshwa umnumzana Nathan Shamuyarira emathuneni la, loba nje abanengi bekhonona ukuthi ngubani olelungelo lokukhetha ukuthi leli liqhawe elingabuzwayo leli kalisilo qhawe.
Yebo kambe uyakhuluma uzulu ngodaba lolu ngesikhathi ilizwe likhangelelwe ukungcwatshwa kukaMnu. Nathan Shamuyarira owake waba ngumphathintambo wengatsha ezitshiyeneyo zikahulumende, emathuneni angcwatshwa amaqhawe esizwe eNational Heroes Acre njengoba useyiphiwe inhlonipho le.
Kusenzakala lokhu uMnu. Nathaniel Ngulube Abu Basuthu omunye wabalwa impi yenkululeko ekuvuyo leZIPRA usanda kungcwatshwa eGwanda, esabelweni seMatabeleland South.
Uzulu uthi bekumele uBasuthu laye ayebekwa eNational Heroes Acre lapho okulamaqhawe amanengi ayengabalandeli be Zanu-PF.
Ukukhethwa kwalabo okumele babe ngamaqhawe kusezandleni zedale lePolitburo yebandla le Zanu PF loMongameli Robert Mugabe.
UMugabe wakubeka sobala ukuthi abakhononayo ngokukhethwa kwamaqhawe kumele bedinge ezabo indawo hatshi ukuthi bamelele ukubekwa eNational Heroes Acre.
Banengi abantu abathi UMugabe watsho ukuthi iNational Heroes Acre ngeyabantu abalwa impi yenkululeko bekubandla lakhe. Ingcwethi kwezombusazwe uMnu. Bekithemba Mhlanga uthi okwakhulunywa nguMugabe yikho okwenzakalayo kulezi insuku.
Imbono kaMhlanga le isekelwa nguMnu. Nixon Nyikadzino obona ngezenhlelo zenhlanganiso ye Crisis in Zimbabwe Coalition.
Abanye abalwa impi yenkululeko bekumabandla eZapu le Zanu abangazange bayebekwa eNational Heroes Acre bagoqela omuyi uLookout Masuku owayengumaqhuzu kubutho leZIPRA, omunye wakhe uSwazini Ndlovu, uSheba Tavarwisa owayekudale le High Command kuvuyo leZANLA, uNkosikazi Thenjiwe Lesabe owakewaba ngumphathintambo kuhulumende kaMugabe, uNkosikazi Lois Sihwa owayekudale le Central Committee kubandla le Zapu labanye babo.
UNyikadzino uthi lokhu kumele kulungiswe ngokubumba ikhomishini ezahlolisisa ngokukhethwa kwamaqhawe esizwe.
UMfundisi Useni Sibanda wehlanganiso ye Zimbabwe Institute for Social Transformaiton uthi uMhlanga uyitshaye ekhaleni. Uthi kumele abangcwatshwa emathuneni eNational Heroes Acre badingwe bengakabhubhi.
Laloba kulabanye abalutshwana abaphiwa linhlonipho yeqhawe lesizwe ngemisebenzi yabo yokuthuthukisa inhlalakahle yabantu abagoqela uMbuya Miriam Mlambo owasebenza kakhulu enhlelweni zabantwana emisakazweni yeRadio uzulu uhlala efuthelene ngodaba lolu esithi abantu abafana lomuyi owasungula imisebenzi yokunceda lokufundisa abagogekileyo umnumzana Jairosi Jiri kwakumele laye aphiwe linhlonipho.
Kodwa uMugabe wakubeka sobala ukuthi kumele kwenzakaleni emathuneni la. Abanye abalwa impi yenkululeko bangcwatshwa emathuneni ezabelweni lezinye indawo ezitshiyeneyo kusiya ngokuthi. Babeyitshaya sibili itoyi-toyi abafana beZIPRA le ZANLA kodwa balutshwana abangcwatshwa eNational Heroes Acre.
Kunsukwana ezisanda kwedlula uBrigadier John Zingoni ungcwatshwe eHeroes Acre kwathi umnumzana Wilfred Mhanda, wayabekwa emathuneni aweForest Glen Cemetary duzane leHarare. NgoMgqibelo kukhangelelwe ukungcwatshwa umnumzana Nathan Shamuyarira emathuneni la, loba nje abanengi bekhonona ukuthi ngubani olelungelo lokukhetha ukuthi leli liqhawe elingabuzwayo leli kalisilo qhawe.
Yebo kambe uyakhuluma uzulu ngodaba lolu ngesikhathi ilizwe likhangelelwe ukungcwatshwa kukaMnu. Nathan Shamuyarira owake waba ngumphathintambo wengatsha ezitshiyeneyo zikahulumende, emathuneni angcwatshwa amaqhawe esizwe eNational Heroes Acre njengoba useyiphiwe inhlonipho le.
Kusenzakala lokhu uMnu. Nathaniel Ngulube Abu Basuthu omunye wabalwa impi yenkululeko ekuvuyo leZIPRA usanda kungcwatshwa eGwanda, esabelweni seMatabeleland South.
Uzulu uthi bekumele uBasuthu laye ayebekwa eNational Heroes Acre lapho okulamaqhawe amanengi ayengabalandeli be Zanu-PF.
Ukukhethwa kwalabo okumele babe ngamaqhawe kusezandleni zedale lePolitburo yebandla le Zanu PF loMongameli Robert Mugabe.
UMugabe wakubeka sobala ukuthi abakhononayo ngokukhethwa kwamaqhawe kumele bedinge ezabo indawo hatshi ukuthi bamelele ukubekwa eNational Heroes Acre.
Banengi abantu abathi UMugabe watsho ukuthi iNational Heroes Acre ngeyabantu abalwa impi yenkululeko bekubandla lakhe. Ingcwethi kwezombusazwe uMnu. Bekithemba Mhlanga uthi okwakhulunywa nguMugabe yikho okwenzakalayo kulezi insuku.
Imbono kaMhlanga le isekelwa nguMnu. Nixon Nyikadzino obona ngezenhlelo zenhlanganiso ye Crisis in Zimbabwe Coalition.
Abanye abalwa impi yenkululeko bekumabandla eZapu le Zanu abangazange bayebekwa eNational Heroes Acre bagoqela omuyi uLookout Masuku owayengumaqhuzu kubutho leZIPRA, omunye wakhe uSwazini Ndlovu, uSheba Tavarwisa owayekudale le High Command kuvuyo leZANLA, uNkosikazi Thenjiwe Lesabe owakewaba ngumphathintambo kuhulumende kaMugabe, uNkosikazi Lois Sihwa owayekudale le Central Committee kubandla le Zapu labanye babo.
UNyikadzino uthi lokhu kumele kulungiswe ngokubumba ikhomishini ezahlolisisa ngokukhethwa kwamaqhawe esizwe.
UMfundisi Useni Sibanda wehlanganiso ye Zimbabwe Institute for Social Transformaiton uthi uMhlanga uyitshaye ekhaleni. Uthi kumele abangcwatshwa emathuneni eNational Heroes Acre badingwe bengakabhubhi.
Laloba kulabanye abalutshwana abaphiwa linhlonipho yeqhawe lesizwe ngemisebenzi yabo yokuthuthukisa inhlalakahle yabantu abagoqela uMbuya Miriam Mlambo owasebenza kakhulu enhlelweni zabantwana emisakazweni yeRadio uzulu uhlala efuthelene ngodaba lolu esithi abantu abafana lomuyi owasungula imisebenzi yokunceda lokufundisa abagogekileyo umnumzana Jairosi Jiri kwakumele laye aphiwe linhlonipho.
Kodwa uMugabe wakubeka sobala ukuthi kumele kwenzakaleni emathuneni la. Abanye abalwa impi yenkululeko bangcwatshwa emathuneni ezabelweni lezinye indawo ezitshiyeneyo kusiya ngokuthi. Babeyitshaya sibili itoyi-toyi abafana beZIPRA le ZANLA kodwa balutshwana abangcwatshwa eNational Heroes Acre.
