Uhulumende ngoLwesibili wazise ukuthi kulezigaba ezilitshumi ezingasela bantu abahlaselwa ngumkhuhlane wesihudo seCholera.
Ekhuluma lentathelizindaba ngemva komhlangano wabaphathintambo bakahulumende umphathintambo wogatsha lwezindaba uMnu Jenfan Muswera uthe izigaba lezi ngezithi iNyanga, Chimanimani, Makoni, Mwenezi, Kwekwe, Gokwe North, Chirumhanzu, Matobo, Umzingwane, le Binga.
Umnu Muswere uthe ukulandela izinqumo zokuvikela uzulu ngesikhathi sephasika kuphathise kakhulu ekumiseni ukumemetheka kwalumkhuhlane njengoba umemetheka lula lapho okubuthana khona abantu.
Umkhuhlane lo wawuhlasele izigaba ezilitshumi lasikhombisa- 17 eZimbabwe njalo uhulumende esebenzela ndawonye lenhlanganiso yeWorld Health Organisation leUNICEF wathontisela abantu abedlula izigidi ezimbili umuthi wokwenqabela lumkhuhlane.
Laloba inani lababanjwa yilumkhuhlane liqhubekela phambili lisehla udubo lokusilela kwamanzi ikakhulu emadolobheni lulokhu lufaka abantu engozini.
UMnu Ambrose Sibindi owayekhokhela inhlanganiso yezakhamizi zakoBulawayo eyeBulawayo Progressive Residents Association utshele iStudio7 ukuthi uzulu kumele ahlale eqaphele ukuze engahlaselwa njalo yilumkhuhlane.
Forum