Unobhala obona ngobudlelwano beMelika lamanye amazwe uMnu Anthony Blinken wethule amazwi ngoLwesithathu efisela abantu beZimbabwe ikhefu likazibuse elihle njalo esithi ilizwe lakhe lizaqhubeka libasekela kunhlelo zamalungelo oluntu.
“Sizimisele ukuqhubeka sixhasana labantu beZimbabwe emizameni yokuthi bathole impilo enhle elokulingana kwabantu,” kutsho uBliken.
“IMelika iyajabula ukusekela imizamo yeZimbabwe yokuthuthukisa intando kazulu kanye lokuhlonipha amalungelo oluntu. Njengoba lithakazelela inkululeko yenu, ngicela libekwazi ukuthi ubungane bethu lezizalwane zeZimbabwe ngobunaphakathe.”
Amazwi kaBlinken aza ngesikhathi uMongameli Emmerson Mnangagwa esanda kusola eleMelika esithi iziphathamandla zalo kumele zize eZimbabwe azezifundisa ngokulondolozwa kwamalungelo oluntu lombuso okhululekileyo.
Ingcwethi kwezokwethulwa kwemibiko uDr Mthulisi Mathuthu utshele iStudio 7 ukuthi kuyinhlekisa ukuthi uMnangwgwa athi ufuna ukufundisa eleMelika ngamalungelo ngoba uhulumende wakhe ehamba phambili ekuhlukuluzeni uzulu.
Forum