Kumidlalo ye sigaba seCastle Lager Premier Soccer League edlalwe ngeSonto, iqembu elihlezi phezu kwengalane yemiklomelo eleNgezi Platinum Stars linqotshwe nge 1 ka nya ngeleHwange emdlalweni obusemalahleni.
Limpumela itshiye iqembu leNgezi likhokhela ngemiklomelo eyisikhombisa phezu kwengalane lilemiklomelo engamatshumi amahlanu lesikhombisa kuthi eleDynamos lona elibe ngutshiki lobhanqa 0 ka 0 leleBlack Rhinos ngaseNational Sports Stadium lilemiklomelo engamatshumi amahlanu njalo lihlezi endaweni yesibili.
Amanye amaqembu alemiklomelo elingene leyeDynamos ngabalisa eleManica Diamonds elihlezi endaweni yesithathu kanye leleFC Platinum elisendaweni yesine.
Iqembu leHighlanders lona lihlezi endaweni yesihlanu lilemiklomelo engamatshumi amane lathoba munwe munye ngemva kokuba ngutshiki lobhanqa 1 ka 1 leCaps United emagumeni.
Komunye umdlalo odlalwe namhlanje iqembu leYadah libhaxabule eleZPC Kariba nge 6 ka nya enkundleni yeBaobab.
Kusenjalo, owadlalela amaqembu abalisa eleBantu Rovers, iHighlanders, leBulawayo City uBenson Phiri uthi akufunda esasengumdlali kumphathise kakhulu emnyakeni wakhe wakuqala owokuba ngumqeqetshi weqembu le Bantu Leopards.
Forum